葉偉明喺工聯會已經超過二十年，唔少工聯會中人都稱佢為「工聯之子」，佢今次轉戰直選，事前備受外界睇好。雖然佢今次落敗，但其實唔需要太擔憂，有工聯會中人就話，只要佢願意，唔少工會都願意預留全職位置畀佢，即使佢想做地區工作，工聯會仍會全面配合喎。
立法會嚟緊十月復會，工聯會一共有六席議席咁多，佢哋前日上晒深圳開集思兼檢討會，消息話，由於工聯會今次成績總算係不過不失，故此會議氣氛冇想像中咁凝重，會上確係有講過選舉期間畀人「鎅票」嘅問題，但暫時未有任何定案，而領導層亦呼籲所有人要「大局為重」。即係話要放下怨氣，向前看。