政情：英皇70周年 港交所敲鑼
英皇鐘錶珠寶尋日喺港交所舉行咗一個敲銅鑼儀式，慶祝集團成立70周年，由英皇鐘錶珠寶主席兼董事總經理楊諾思負責敲響銅鑼，其父英皇集團主席楊受成、弟弟楊政龍及妹妹楊黛思連同公司高層一起現身支持。
楊諾思話，佢作為第三代掌舵人，好驕傲能見證英皇由一間細錶行「成安記」發展出嚟，呢個由三代人努力經營而來的鐘錶珠寶店，現時喺中港澳擁有八十間商舖，總資產達五十億港元，更成為大中華地區享有良好聲譽嘅品牌。
佢又話今次有幸喺港交所敲響銅鑼，標誌住英皇閃爍繁盛嘅未來發展，與此同時，英皇鐘錶珠寶亦成為恒生綜合指數消費品製造業成分股，令集團七十周年更顯輝煌。