父親悲痛：成日叫佢畀心機做嘢
【本報訊】「我成日都叫佢生性做人、畀心機做嘢，將來要成家立室，點知……」對於獨生子為情走上不歸路，劉惠華難掩心中悲痛，男兒淚奪眶而出。喪子之痛未愈，華叔復為籌措殮葬費而大感無助，東方日報慈善基金了解情況後，已即時從「無力殮葬」專戶撥款兩萬元，以解華叔燃眉之急。
沉迷打機 成日唔返工
華叔與妻子早年離異後，阿新與胞妹原跟隨母親居於天水圍，但四年前阿新又搬回與他居住，父子一直相依為命，並靠華叔任職廚師賺取的萬餘元收入維持生計。華叔指阿新自小是「機癡」，中五畢業後曾任職散工，惟因沉迷打機至通宵達旦，經常請假缺勤，故「冇份工做得長」，收入不穩。華叔指一直擔心兒子未能自理，故經常勸勉阿新努力工作，又自責未能好好培育兒子成材。
華叔坦言：「知佢無錢，惟有自己慳啲使，諗住留多啲錢畀個仔用。」可惜，華叔月前失業，生活更捉襟見肘，面對兒子突然自尋短見，慨嘆自己山窮水盡，上月中至今僅剩三百元，連拜祭的祭品也買不起。華叔獲得撥款後坦言：「好多謝東方日報慈善基金嘅即時幫忙，我依家即刻去買金銀衣紙燒畀個仔！」捐款編號：12325