田氏兄弟得米 李氏夫妻收檔
【本報訊】自由黨田北俊及新民黨田北辰兩兄弟，今屆歷史性雙雙入局。二人雖屬不同政黨，但非常關注對方選情，田北俊前晚一步入點票中心，即時凝視顯示點票情況的電子板說：「我細佬嘅票都開得唔錯喎！」田北辰當選後又向兄長大送高帽指：「佢名氣咁高，佢應該高票啲啲！」
然而並非「拍住上」就代表成功，例如民主黨李永達及陳樹英這對夫妻檔，就齊齊在新界西出局。二人雖為夫妻，但昨日全程如同陌路人，未見有互相安慰。另一夫妻檔謝偉俊及白韻琹，亦只有謝偉俊成功於九龍東當選，出戰超級議席的白韻琹則落選，但事後謝偉俊形影不離，繼續陪伴白姐姐回應傳媒查詢，不似外間傳聞般感情破裂。