「慢必」直認同性戀
剛當選第五屆立法會議員的人民力量陳志全（慢必）向本報公開承認其同性戀身份，成為本港立法機關首名同志議員。他說，「一個人參政係睇佢嘅政治理念，而唔係佢鍾意男仔定女仔。」未來四年，他除了在議會內為港人關心的議題發聲，更會以自身經歷游說其他議員支持引入反性傾向歧視條例，甚至修訂《婚姻條例》，為本港同性戀人士爭取合法權益。
陳志全成功以三萬八千多票在新界東選區突圍而出，他坦言早有信心能當選，但對得票較民主黨劉慧卿更多感到欣慰：「我同長毛（梁國雄）夾埋攞到九萬票，可以見到激進路線係有市場。」他說，未上任已感受到不少壓力，「以前做電台主播都無乜機會用英文，要抽時間溫吓社會政策，最重要係熟讀《議事規則》，方便日後做嘢。」
選戰期間陳志全沒打正旗號公開同志身份，他坦言性取向屬個人私隱，不想以此作賣點：「我覺得講咗反而會將選舉議題模糊化，你問到我一定會講，我唔會覺得尷尬，但唔會周圍講畀人聽。」他又指不公開的另一個原因是不希望支持者會因其性取向而決定投他一票，笑言公開性取向後或會令人民力量支持者失望：「佢哋成日以為我同袁彌明係一對，有人叫我喺選舉後試吓追佢。」
路雖難行 始終要第一步
雖然本港社會對同性戀者接受程度日增，但陳志全認為他們至今仍承受不少壓力，「有朋友出街唔敢拖手，或者會隔到好開行，佢哋驚會畀人用啲奇怪嘅目光望住，但我覺得最好嘅方法係坦然面對。」他承諾日後將以議員身份向立法會提出議案或私人草案，要求引入反性傾向歧視條例，寄望能喚起社會討論，從而令市民更尊重隱藏在一角的同性戀者：「我知道呢條路難行，但始終要有人行第一步。」
進身議會卻又公開同志身份或招人話柄，陳志全笑言生活模式或會與以前不同，但有心理準備接受轉變：「日後出街人哋可能會用奇怪嘅目光望你，不過我唔會介意。」四十歲的陳志全說自己自十八歲開始「拍拖」，最長的戀情長達十六年，現時無男友，但承諾日後會主動公開戀情。他自認是友儕中較勇敢的一員，從不擔心被人標籤：「如果我連自己嘅權益都唔去爭取，咁我仲點幫弱勢社群爭取權益呢？」
記者 李惠