枯樹未除危及路人
長沙灣元州邨行人通道旁有懷疑染病大樹枯萎多時，亦早已被評估為危樹，需盡快移走。不過，廖女士卻指房屋署雖將大樹附近範圍圍封，但一直未有行動，擔心「大樹砸死人」悲劇重演，「有好多老人家成日會坐喺樹下抖涼，咁搞法真係好牙煙，既然已經係死樹，點解搞咁耐都仲未清走？」
元州邨物業服務辦事處發言人稱，曾在六月中檢查有關樹木，發現其生命力已呈衰落趨勢，或有結構問題，建議移除有關樹木，而辦事處亦已將該樹附近範圍圍封，以防止行人接近。然而，在安排承辦商移除樹木期間，因接獲居民反對，辦事處隨即轉介房署樹木管理組作進一步審視，並在其後收到有關報告，確認該樹木健康情況不理想，理應移除，經商討後，辦事處將安排承辦商日內將樹木移除。
「一開始佢哋已經檢查咗，既然係專業，點解又要檢查多次，咁係咪即係第一次做得唔夠全面？」廖女士不滿房署以居民反對作為跟進緩慢藉口，認為該署應以居民性命安全作為優先考慮。