因為特首梁振英要留港處理繁重公務，因而派出財政司司長曾俊華（鬍鬚曾）代表出席俄羅斯舉行嘅亞太經濟領導人會議，佢尋日就喺網誌上大談喺海參崴嘅點滴。佢話海參崴嘅水域同日本海相接，海產種類同質量都好接近，無論海鮮同蔬果都令到佢印象深刻，非常新鮮可口，價錢仲比較便宜喎，完全係晒命，難為喺香港嘅同事為咗國民教育風波及立法會選舉做得咁辛苦呀！
