領匯打造有蠅街市

天盛（萬有）街市位於由領匯管理的天盛商場，設有空調系統。不過，近年每遇酷熱天氣，街市即有蒼蠅為患，「我喺度開舖做咗十二年生意，係呢一兩年突然多咗好多烏蠅，天氣一熱就飛到周圍係！」素食店負責人黎姑娘直言蒼蠅問題令生意損失慘重。

烏蠅紙一陣間就「滿額」

現時不少街市商戶皆以滅蚊燈及俗稱「烏蠅紙」的蒼蠅貼嘗試緩解問題，並為食物加上額外包裝，惟檔販均指「烏蠅紙」不消一回便告「滿額」，不滿領匯一直未能根治問題。

陳思靜指街巿近年引入多間熟食檔，並在「後欄」烹煮食物，引來蠅患。	市民及檔戶心聲 黎姑娘（檔戶）：「咁多烏蠅飛嚟飛去，啲客見到都唔敢嚟買啦，真係好大損失！」	關太（居民）：「啲烏蠅好鍾意嬲啲污糟嘢，有得揀嘅話我真係唔嚟呢度買嘢食！」

當區區議員陳思靜坦言相關投訴不絕於耳，嚴重時蠅患更曾蔓延至毗鄰商場。陳認為蒼蠅問題或與街市熟食檔數量過多有關，「唔少熟食檔都會喺街市後欄整嘢食，呢啲食物嘅半製成品好易惹烏蠅！」陳續指街市租金近年不斷提升，不少檔戶結業後，領匯即伺機引入「高增值、高舖租」等熟食店，卻未能處理隨之而至的衞生問題，「街市年年加租，依家有接近兩成嘅舖頭係賣熟食嘅，因為只有熟食先做得住，完全違反咗街市嘅應有功能！」

食署數度發信要求改善

領匯未有直接回應本報查詢，只交由街市外判管理公司代覆。管理公司發言人承認，早於五月初已接獲商戶投訴蒼蠅問題，曾安排焗霧滅蟲、更換防煙門及加裝滅蚊燈等措施以作改善。發言人又稱，食環署防治蟲鼠人員曾四度到場了解，均表示滿意清潔情況，並估計蒼蠅並非來自街市。

食環署發言人則稱，早於六月底及七月初接獲兩宗投訴並派員巡查，發現有蒼蠅出沒，已發信要求改善；其後覆查時仍發現有蒼蠅問題，已再發信要求領匯加強跟進。

香港專業教育學院（柴灣）應用科學系食品及營養科學課程主任方麗影博士指出，蒼蠅為患不但反映街市衞生環境欠佳，更會傳播病菌影響食物安全，「唔理係生熟食物定係坑渠污垢，只要有食物都會引嚟烏蠅產卵，所以每一個角落都應該要徹底清潔！」方續指，炎熱天氣可將蒼蠅卵孵化成蟲時間由一星期以上大大加速至三數天內，建議街市職員應加密清潔次數，以根治問題。

記者：林松澧

攝影：楊育輝