院舍老友記感激「米飯班主」
通脹加劇，衣、食、住、行樣樣加，令清貧長者生活更捉襟見肘。東方日報慈善基金自九八年起，便透過「粒粒顯關懷」贈米計劃，每月向全港多間機構及長者屋逾六千名長者送上晶瑩白米。有賴善長的熱心支持，贈米計劃十五年來風雨不改進行，令辛勞半生的長者可安享香軟白飯，細味人情溫暖。
「有靚飯食人都和氣啲，仲點會嗌交？」八十二歲的文遇金與室友郭秀花「老友鬼鬼」，更經常一同用膳，儼如姊妹花。文婆婆自言已受惠於贈米活動多年，賴以減輕生活重擔，「袋米咁大邊有力抽，有人送埋上嚟，梗係開心啦！」至於七十九歲的何月蘇退休前則為車衣女工，笑言多年來已經習慣「不能一日無米」，「（贈米計劃）幫咗我好多，等我可以慳番啲錢買吓餸食，好想同善長講聲多謝！」
「唔食飯會瞓唔着」
至於來自順德的廖惠珍，年輕時來港工作「媽姐」，一做便做了六十多年，性格樂觀的她坦言每餐「最緊要有米」，「我平時好慳，但唔食飯我真係會瞓唔着！」珍姐現時僅靠半生辛苦得來的積蓄維生，日常生活極為節儉，除一碟餸分三餐用外，閒來更會為小菜「改靚名」，「我最拿手煮『雲冚月』，即係鹹蛋蒸豬肉！」一味簡單小菜、一碗香軟白飯，足令這位勞碌大半生的婆婆笑逐顏開。
深水埗麗安邨長者屋舍監鍾少芳表示，舍內不少長者已受惠於贈米計劃逾十年，獲悉記者採訪時，均表示要趁機會感謝善長多年來的關懷和資助，「佢哋個個都好鍾意食飯，所以真係幫輕唔少，有米派佢哋真係開心到不得了！」鍾少芳又指，囿於經濟及年齡，舍內長者均對每月的贈米日非常重視，更會適時互相提醒，盡顯鄰里間的互助，「呢度啲老友記平均年齡係八十歲，多數靠綜援同生果金生活，所以每包米對公公婆婆嚟講都係意義重大！」
捐款編號：16333
記者：阮佩君、攝影：林松澧