政情：大舞台：高永文盼港人多啲包容

反對國民教育人士連日在金鐘政府總部靜坐，政府就算講乜都好，佢哋都聽唔入耳。食物及衞生局局長高永文尋日坦言，依家政府無疑係處於好大嘅逆境，情況令佢好唔開心，所以佢希望港人攞出獅子山下、同一條船嘅心態，多點互相包容。佢強調，政府推行德育及國民教育科係冇任何政治任務及不可告人目的，政府亦好有誠意，希望有更多雙向交流。道理講得多，唱吓歌都好喎。