副局長人選至今仲未公布，食物及衞生局局長高永文近日就透露，佢個「副手」嘅遴選過程終於有啲起色，大約幾個星期後就可以有副手見面。佢話最期望其副手有承擔，唔計較得失，亦唔介意副手敢言，最緊要係可以同佢互補不足喎。
被問到會否揀番同行（醫生）做副局長，高永文冇直接回應，但就強調唔要另一個「高永文」，如果副手可以識得啲佢唔識嘅嘢，睇到啲佢睇唔到嘅嘢，例如認識食物安全咁，就好符合佢要求喇！
