過往多次選舉都有一啲不知名嘅調查機構，以學術為名進行票站調查，但疑似中途將調查結果向建制派通水，以便佢哋嘅候選人進行配票，泛民於是發動支持者一刀切杯葛所有票站調查，甚至教佢哋講大話誤導票站調查員。身受其害嘅港大民意研究計劃總監鍾庭耀，尋日就不點名批評泛民有關行動係「以暴易暴」，呼籲選民唔好呃民研計劃嘅調查員，讓學術歸學術，政治歸政治。
