【本報訊】「好似跌入火坑和深淵一樣，幸福家庭畀醫療失誤奪去咗，遲一日解決，就痛苦多一日，折磨多一日」。張睿霆父母對兒子死於屯門醫院，道出備受煎熬的心情，詎料一年後，張母逃不出痛苦深淵。去年張家因質疑屯院聘請外國專家所作的調查報告矛盾處處，不滿「醫醫相衞」，曾穿喪服及手捧睿霆遺照，將屯院當靈堂拜祭，以示抗議。
在周一嶽任期內，公院醫療事故頻頻，多宗病人死亡事件遭質疑，張睿霆手術後死亡只是其中一宗，雖然死因未有裁決，但當年張母痛斥院方「醫死人」及「耍官腔」。在張家向傳媒爆大鑊後，事件引發社會關注，院方請澳洲專家調查，但院方的解釋被家屬批評疑點重重。另外，事件又揭露當日負責主力操刀的醫生，為醫管局從外國邀請來港講學的腦科專家，同場安排了數十名腦外科醫生「觀摩」，張母質疑兒子死於一場「教學騷」。因為家人不接受報告，事件拖而未決，張母指「這是一個永遠不能解的結，我們唔係唔接受手術帶來的風險，但個仔係喺充滿疑點情況下死咗，我哋蒙在鼓裏，每日帶着切膚之痛，每日都覺得世界好像停咗」。
新界西醫院聯網發言人稱，張睿霆手術死亡事件已交死因庭跟進。過去一年，院方一直有定期為女事主提供治療和情緒支援，最後一次診治是在上周五，聯網對今次事件感到遺憾，會繼續跟進該個案。