屋署縱容僭建夾心舖

深水埗長沙灣道一帶時裝店舖林立，有不法之徒亦覬覦商機，在橫巷僭建「夾心舖」經營時裝生意逾三年，「屋宇署成日話要打擊市區僭建，但做起上嚟就有心無力，呢間舖喺度咁耐咪一樣冇人理！」姚小姐指僭建舖經營多年仍未被取締，不滿屋宇署打擊不力，變相縱容違規僭建。

市民直斥過於被動

無獨有偶，灣仔駱克道亦乍現「夾心舖」。街坊楊小姐指有關僭建舖從事地產生意多時，擔心結構不穩會威脅市民安全，「間舖夾喺兩幢樓中間，窄到咁，有咩事上嚟邊走得切？」楊又指「夾心舖」儼如都市陷阱，隨時有倒塌危機，直指屋宇署過於被動，未有主動巡察及取締鬧市僭建物。

灣仔	「夾心舖」建於狹窄橫巷，市民擔心一旦倒塌恐難以逃生。

記者分別前往兩間「夾心舖」了解，發現僭建舖外表與一般商舖無異，惟細心觀察下，不難發現兩者皆於兩幢大廈之間的橫巷以簡單物料搭建，其中位於長沙灣道僭建舖更加建簷篷。

屋宇署發言人承認，早已接獲長沙灣道橫巷僭建物的舉報，並曾發信勸喻，接獲本報轉介後亦證實駱克道的地產舖屬僭建物。發言人強調，按現行執法政策，上述兩項僭建物皆屬優先取締類別，將按程序向有關僭建物業主發出清拆令，並要求有關業主盡快自行安排清拆。

發警告信不了了之

香港專業教育學院（青衣）建造工程系首席講師黃漢平警告，「夾心舖」上蓋一般以較輕材料建成，且欠缺專業計算、設計及監管，對社區有潛在危險，「呢啲舖通常都係用薄鐵板或者壓形鋼板嚟搭，如果加咗混凝土就會加重咗重量，會好危險！」

「吓吓都話冇即時危險，發咗警告信又唔跟進，有頭冇尾結果只會不了了之！」灣仔區議會主席孫啟昌炮轟屋宇署執法不力，難脫失職之嫌，認為該署須加強打擊力度，主動巡察並正視市民投訴，增加阻嚇性。

深水埗區議會主席郭振華則認為，僭建問題牽涉多個政府部門管理範圍，要求部門間須加強合作以取締違法行為，「屋宇署當然有責任巡查，仲要向違規業主發清拆令，但地政總署亦要檢查有冇公共地方，好似後巷有冇畀人霸咗咁！」

記者：何穎賢、楊育輝