政情：大舞台：侯志強話理性溝通

新界東北發展最近搞到沸沸揚揚，好可能發展成為下一個社運大事，特區政府當然要好小心處理。上水鄉事委員會主席侯志強對事件表現得好理性，話人係萬物之靈，可以透過溝通解決問題，又話自己好願意扮演橋樑角色，等大家傾好件事。人係萬物之靈，放諸四海而皆準，如果咁容易，咁政府同新界人就村屋僭建問題引起嘅分歧，早就可以解決啦。