屋邨中門大開違泊離譜
「有啲車一泊就幾個鐘，寫明唔泊得嘅位都照泊，話就話有時會有人喺閘口做登記，但入面泊成點、泊幾耐都冇人理！」慈民邨居民黃先生表示，該邨與慈康邨及慈安苑共用一個車輛出入閘口，但經常中門大開，亦未見職員看守，猶如「無掩雞籠」，令屬屋邨範圍的欣華街布滿違泊車輛，阻礙居民出入。
慈康邨物業服務辦事處發言人表示，欣華街為房屋委員會擁有及管轄，鑑於上址違例泊車個案有上升趨勢，職員已加強巡邏及執法，並安排員工每日廿四小時駐守屋邨入口作登記。職員巡邏時如發現有違泊或阻塞車路情況，會即時勸喻駕駛者離開，遇有不合作者，將發出警告甚至鎖車，現時情況已有改善。
「依家係多咗個人坐喺度做吓樣，但入面嘅車都係亂咁泊，冇乜改善！」黃先生建議房署研究記錄多次違規車輛車牌，並引入累計性罰則，以增阻嚇作用。