工程阻路房署唔踢唔郁
屯門湖景邨現正因進行外牆維修工程，四周架起圍欄及帆布，設於湖翠樓旁的休憩場地亦未能幸免，「呢度有好多老人家坐輪椅出入，搞到條路又窄又凹凸，仲封埋正門，出入都要兜一大餐，究竟仲要搞幾耐？」居民蔡先生難忍沙塵滾滾，曾向房屋署反映亦未有改善。
房署發言人表示，上址正進行外牆石屎維修及紙皮石修補工程，承認曾接獲居民投訴，承辦商已採取連串措施，包括於吊船的三邊及頂部圍起帆布阻隔灰塵，並於打鑿位置下方斜放木板，讓沙石可沿木板落入吊船，減低可能造成的滋擾。不過，發言人強調，由於工程包含打鑿程序，認為有灰塵飛揚屬無可避免，預計有關工程於八月下旬竣工。
「冇人投訴就亂咁嚟，要投訴先做嘢，做工程都要考慮下我哋班居民先得㗎！」蔡先生指湖翠樓正門現已重開，希望工程能盡快完成，令屋邨環境盡快回復原狀。