國家金牌運動員尋日展開第二日訪港行程，先後落區進行示範表演同出席大球場大匯演，港協暨奧委會會長霍震霆（Tim霍）話希望運動員可以參觀多啲景點同買多啲嘢，親力親為促進本土經濟發展喎。
睇嚟Tim霍真係隨口噏當秘笈，事關金牌運動員今次只係訪港三日，大部分時間都要出席交流活動，出外閒逛嘅時間根本唔多，加上唔少商舖都主動送上禮物贊助，試問佢哋消費得幾多呢？又點樣促進本土經濟呢？
