水務工程拖三年捱轟
水務工程「大歎慢板」，對居民構成嚴重滋擾！旺角公爵街介乎基堤道至勵德街路段的水務工程已展開將近三年，附近居民已飽受噪音及塵土飛揚滋擾多時。李先生更質疑工程一再拖延，與水務署承辦商人手不足有關，「個工程做吓又停吓，封咗個地盤範圍但又冇人開工，水務署到底有冇監督？」
水務署發言人證實，上址水管更換及修復工程於○九年十月展開，目的為改善區內供水系統可靠性，礙於涉及接駁新水管及拆除原有水管工程，加上施工前需向路政署申請挖掘許可證，並需經警方交通部及運輸署就臨時交通安排計劃作出審批，故需時間較長。發言人又強調，有關工程現已大致完成，尚餘行車路面重鋪工程則預計於八月內竣工。
本報轉介 忽然完工
「本來話要到年尾先搞掂，之前投訴咗咁多年都冇用，多得《東方》幫手先咁快手！」李先生直斥水務署將竣工日期「拖得就拖」，接獲投訴卻「忽然完工」，要求該署對承辦商嚴加監管。