泥頭車違泊 警懶理風險
「架泥頭車成日泊喺花槽，搞到嗰度連草都唔生條，有次佢仲突然駛出嚟，搞到差啲撞車！」每日駕車的王先生指出，半年來每逢途經長沙灣深旺道及荔寶路一帶時，均發現有泥頭車停泊於行車路旁花槽，「泊咗咁耐都冇人理，咁啲車唔使泊喺停車場，喺度免費泊車就得啦！」
警方發言人表示，接獲本報轉介後，長沙灣警署即時派員巡查，證實有車輛包括該泥頭車在上址違例停泊，遂按「靈活執行交通法例政策」，對違泊車輛採取交通管制行動。
不過，王先生近日仍發現有關泥頭車如常於上址停泊，情況全無改善，「警察話做咗嘢都冇乜用，咁落去都唔係辦法！如果架車突然駛出馬路，好容易會出意外！」王先生希望警方多加巡邏，並對違例人士嚴厲執法，防止意外發生。