領匯工程噪音 困擾居民
天水圍頌富廣場一期正進行優化工程，有街坊不滿工程產生噪音並製造空氣污染，對居民造成極大困擾。李先生直言自工程開展後已大大減低消費興致，「都唔知要搞幾耐，日日都咁嘈，喺入面行一陣都覺得辛苦！」另一居民張先生則指商場變得沙塵滾滾，令街坊難以「搵食」，「工地隔籬就係餐廳，但四圍都係塵，咁污糟都冇晒食欲啦！」
領匯發言人表示，為盡量減低工程產生的噪音，工程承辦商已採用靜音措施，於適當位置安裝隔音屏障和靜音裝置，同時又豎立圍板圍封工程範圍，盡量減低工程噪音對商戶及顧客造成影響。
「領匯梗係講得好聽，講就講到做咗好多嘢，但依家咪一樣仲係咁嘈！」李先生坦言不滿領匯的回應，批評工程進行多時，領匯仍未有改善工程產生的問題。