東方報業集團接連揭發民主黨主席何俊仁（鐵頭仁）向立法會漏報公司利益股份，鐵頭仁一時就聲稱唔記得，一時就自稱只係公司股份嘅代名人話唔使申報，到最新呢次佢又賴立法會嘅申報利益制度有灰色地帶，真係乜都畀佢講晒。如果被揭漏報利益嘅係港府高官，睇吓鐵頭仁同佢班黨友又會點講？鐵頭仁又話，將來申報時會做得好啲，講到自己好似一定會當選咁，佢咁多醜聞纏身，唔知全港選民會唔會畀呢次機會佢呢？
