電梯損毀領匯遲維修
扶手電梯損壞多時未修妥，居民不滿領匯維修「歎慢板」！黃小姐表示，鯉魚門廣場地下通往一樓的扶手電梯停用近一個月，一直僅被標示為「損壞待修」，卻遲遲未見負責管理的領匯處理，她表示：「一條電梯壞咗，搞到隔籬嗰條（扶手電梯）都要停埋畀人上落，但係條路又唔係闊，一上一落好容易有碰撞，好危險！」
當區區議員謝淑珍指出，附近多個屋苑的街坊均習慣到上址購物，或取道商場前往港鐵站，認為領匯需加快處理維修項目，「好多街坊都話壞咗電梯好唔方便，唔明點解咁耐都搞唔掂！」謝又建議領匯應加設清晰指示，指導居民改用升降機，日後亦可考慮加建樓梯作上落之用。
領匯發言人承認，上址自動電梯扶手早前被發現斷裂，基於安全理由必須停止運作，於電梯保養承辦商聯絡及作出維修安排，近日完成維修工程，電梯已恢復運作。