探射燈：相關物品掀炒風
手機遊戲大熱，連帶相關遊戲物品亦掀炒風。就讀中二的李同學同樣是該遊戲的發燒友，三星期前得知曾一度斷市的日版月刊終於再來貨，原價六十元的雜誌，已被炒至二百四十元，雖覺得價錢高得不合理，但最後仍決定花利是錢購買。「本雜誌全部都係日文，有幾多玩家會睇得明？好多人包括我自己都係要本嘢上面個code（數字組合），無睇過本嘢。」
李解釋，月刊被炒高至原價四倍，全因內附一組遊戲攻略數字組合，只要輸入數字就可獲得珍貴的怪獸，令一眾發燒友難以抗拒，「我有個同學一個人買咗成五本添呀！」
臨床心理學家鄒凱詩提醒，學生思考事物不夠全面，容易想買就買，漠視財政狀況是否健康，長此下去或會變成購物狂或病態賭徒。鄒呼籲，家長如發現子女行為開始偏離原有價值觀，應多加了解，適當時更應給予一定懲罰，讓子女知道後果。