本港保釣人士成功登陸釣魚島，本身就係最好嘅國民教育，但由於今次佢哋技術上係違法出海，加上牽涉中日外交問題，一眾特區高官即使心裏叫好，亦唔敢宣之於口。出名愛國嘅民政事務局局長曾德成尋日到電台講解政府嘅體育政策後，多次被問及有關保釣同國民教育嘅問題，佢都拒絕評論，反而叫大家集中報道體育，免得轉移焦點喎。不過，就算係講體育，德成局長都只係話加大力度培訓精英運動員，又一味推銷國家金牌運動員訪港。
