政情：龐愛蘭搵林奮強細佬治腰患
捲土重來參加立法會新界東直選嘅公民力量龐愛蘭（Scarlett），唔知係咪搏到盡落區同街坊握手拉票，搞到條腰赤赤痛，但佢唔想浪費時間睇病，結果搞到隻腳都痛埋，焗住要去睇醫生。本身係藥劑師嘅Scarlett，睇醫生都要睇個出名嘅，最後搵咗行政會議成員林奮強嘅細佬、骨科專科醫生林自強診治，原來Scarlett做醫生嘅細佬，係林自強港大嘅醫科同學。
林自強幫Scarlett檢查過後，發現佢尾龍骨出咗問題，壓住神經線導致腳痛，二話不說要佢多啲休息，但為咗勝選，佢被迫拒絕，堅持落區見選民。
Scarlett透露，依家要定時食藥同做伸展運動，防止腰患惡化，真係治標唔治本，睇嚟佢要捱多一個月先可以休息喇。新界東候選名單仲有張超雄、田北俊、葉偉明、陳志全、劉慧卿、黃成智、蔡耀昌、范國威、湯家驊、陳克勤、葛珮帆、梁國雄、邱榮光、何民傑、梁安琪、方國珊、陳國強、龐一鳴。