「貪曾」曾蔭權當年為咗迴避市民對復建居屋嘅訴求，喺未經諮詢下，推出標榜「可租可買」嘅置安心計劃，但旋即被批評「唔湯唔水」。繼房協主席楊家聲日前炮轟置安心係「長官意志」下嘅產物後，尋日又到房委會資助房屋小組委員蔡涯棉接力再摑貪曾一巴，建議將首批置安心單位改為「只賣不租」，以增加供應同減低買家對未來樓價嘅擔憂。其實「只賣不租」即係另一種形式嘅居屋，差在未將「置安心」個名改埋嘅啫。
