港鐵廣播系統故障，被指「晨早流流」發噪音嚇醒市民！ 「個廣播突然間超大聲，啲聲又嘈又刺耳，根本就聽唔到講緊乜，好多人都畀佢嚇咗一跳！」林先生早前於港鐵西鐵線元朗站候車，期間廣播系統突然發出刺耳聲響，一眾乘客均被突如其來的噪音嚇了一驚。
港鐵發言人證實，當時元朗站其中一個擴音器故障，以致近G出口的廣播有雜音，但指車站已即時停用該擴音器，並以另一擴音器代替，期間有關出入口的廣播未受影響。發言人又稱，當日職員已立即通知維修人員檢查，及後已更換該擴音器。
「佢哋有責任每日都檢查個系統，冇理由壞咗都照用！」林先生不滿港鐵使用系統前沒有檢查，認為港鐵應以乘客利益為先，於開站前全面測試系統，如有故障應停用，「今次就話係廣播系統壞，下次壞車就真係大件事！」