外賣鐵騎行人路亂闖
「成日都有咁多小朋友行嚟行去，一個唔小心撞親真係唔知點算！」方先生發現，經常有快餐店外賣電單車在元朗西菁街兒童遊樂場側的行人路行駛，更不時有車輛違例停泊。由於鄰近遊樂場，經常有家長及小朋友出入，方先生擔心會造成意外，要求警方加強巡邏，保障行人安全。
市民不滿警未積極執法
警方發言人指，過去一年未曾接獲上址違泊投訴，惟前線人員巡邏期間曾票控超過二十架違例停泊車輛。
有關快餐店發言人則說，所有速遞員均需接受培訓及遵守交通規則，就上述事件已與負責外送服務的公司跟進，敦促加強培訓。
「一年先發得嗰廿張告票，邊夠力度打擊？」方先生不滿警方未有積極執法，亦不滿快餐店外賣員為貪方便罔顧行人安全，「其實幾十米之外就有電單車泊位，但佢哋係都要泊喺度，根本就係貪方便，警方真係要巡多啲！」