政情：大舞台：頂住熱廚房 高永文最高民望冧莊

新政府上任未夠兩個月，已經要面對好多風風雨雨，加上部分別有用心人士無的放矢攻擊，令到政府呢個熱廚房熱上加熱。尋日香港大學公布最新嘅民意調查，食物及衞生局局長高永文冧莊成為最高民望嘅官員，佢早前接受訪問時講過，政府呢個熱廚房已經去到四十幾度，的確比想像中熱，但依家高民望足以證明佢抵得熱。不過，寄語高局長咪沾沾自喜，做得唔好分分鐘會喺熱廚房焗暈。