立法會選舉氣氛日漸熾熱，陸續出台嘅民意調查成為各政團調整選舉策略嘅指標，但有人歡喜有人愁，民建聯力捧嘅兩名年輕候選人，包括出戰新界東嘅葛珮帆及新界西嘅陳恒鑌，兩人支持度至今仍然未有太大起色。據聞黨內有人疑似幫葛、陳二人諗定後路，其中一個方案係善用該黨明年四月換屆可能出現嘅兩個黨副主席空缺，考慮用作安置佢哋喎。
不過，有黨內中人對呢個做法有唔同意見，直言呢啲安置方案嘅前提係兩人會落敗，依家講到呢方面係言之尚早。另有人則力撐葛、陳二人喺黨中常委嘅資歷較深，就算「升呢」做副主席亦都合情合理。究竟葛、陳二人會否「被安置」，咁就要拭目以待喇。
新界西候選名單仲有譚耀宗、梁志祥、郭家麒、麥美娟、麥業成、田北辰、梁耀忠、李永達、陳樹英、陳強、陳偉業、李卓人、曾健成、何君堯、陳一華。新界東候選名單仲有張超雄、田北俊、葉偉明、陳志全、劉慧卿、黃成智、蔡耀昌、范國威、湯家驊、陳克勤、梁國雄、龐愛蘭、邱榮光、何民傑、梁安琪、方國珊、陳國強、龐一鳴。