沖身冇水 屯門泳池變汗浴
「我游水嗰陣覺得啲水好鹹，仲有陣汗味，其他泳池都唔係咁！」陳小姐日前前往屯門泳池游泳，發現設於女更衣室門口的水簾未有開啟，泳客無法於進入泳池前消毒沖身，懷疑因此令池水變鹹，「平時要用水簾沖完身先落水，唔知係咪因為咁搞到池水污糟晒！」
康樂及文化事務署發言人證實，事發當晚有清潔工人於休池時段關掉女更衣室水簾水掣，以便進行清潔工作，但事後卻忘記重開水掣，泳池保安員發現有關問題後，已即時重開水掣。不過發言人稱，關閉水簾不會令池水鹹度提高及變得污濁。
發言人補充，康文署轄下公眾泳池池水皆經氯酸鈉消毒，池水會略帶鹹味，泳池職員會於泳池開放期間每小時抽取池水樣本，測試池水中之剩餘氯及酸鹼度。此外，職員亦會每周抽取池水樣本送交化驗所化驗，以確保水質達標。