赤柱廣場 玻璃天幕曬燶人
透明天幕未能遮蔭，領匯設施被指「得個睇字」！周小姐日前到赤柱歡度假日，發現赤柱廣場露天劇場設置天幕，但設計卻新不如舊，未能為遊人提供舒適休憩環境，「以前嗰個（天幕）係白色，都仲可以坐喺下面遮下太陽，依家整個透明嘅，遮都冇得遮，設計好有問題！」
領匯發言人解釋，上址天幕採用玻璃及鋼鐵等物料建成，高度較舊有為高，設計更開揚，有助加強空氣流通，及讓訪客在視線無阻下盡覽周遭天然風景。發言人又指，劇場設有霧氣降溫系統，天幕玻璃亦裝有阻擋紫外光薄膜，有助減低半露天劇場內溫度。
「我唔覺得好咗，只係覺得熱咗！好睇唔好使，都係舊嗰個比較實際！」周小姐認為領匯解釋牽強，建議日後設計新設施時，應以實用性為首要考慮，避免追求美觀而得物無所用。