店舖僭建 屋署縱容
「一條咁短嘅街，起碼有兩間舖頭僭建，有啲仲搭棚裝修，政府到底有冇派人巡？」北角街坊蘇先生發現，和富道僭建情況日益嚴重，惟政府部門一直未有發現，變相縱容違規僭建行為，促當局盡早更正店舖違規情況。
已經營多年
屋宇署發言人證實，北角和富道八十四號附近的巷里、及七十二號附近巷里均有搭建僭建物，根據現行政策，有關僭建物屬優先取締類別，該署會按序向有關業主發出清拆令，並已先發信敦促業主盡快自行安排清拆工程。
當區區議員郭偉強直言，有關僭建店舖已經營多年，「至少做咗七、八年都仲喺度，同屋宇署反映過呢個問題，但至今都唔見佢哋做過啲咩！」郭指後巷屬逃生路徑之一，要求政府加快處理區內店舖僭建問題，以保障市民安全。