渡海濠情:男人唔花弗 邊度有面子?

男人係咪愈靚仔同愈有名氣就愈花弗?相信唔使多講啦!靚仔唔花弗嘅話,又點會有個靚靚女友,卻仍對飛來蜢毫不抗拒,結果搞到分手收場呢!不過唔係個個女人都唔鍾意男友花弗,好似澳門9號會所嘅小愛咁,佢就話男友愈花弗,佢就愈有面喎!

天賦本錢

不論你係咪名人,只要係靚仔就一定花弗,如果忍唔到嘅話,當初咪唔好揀個靚仔做男友囉!對於呢個講法,小愛不知幾咁認同,佢仲和議話:「咪係!除非呢個世界嘅女人一係死晒,一係就係佢哋嘅審美觀唔同咗,覺得原本嘅靚仔都係醜男嘅話,咁咪冇女人會埋身,班靚仔嘅正印咪唔使日日咁擔驚受怕囉!正所謂食得鹹魚抵得渴,呢啲嘢就梗係預咗,係咪先?」嘩!講得咁有火,睇嚟小愛對呢樣嘢好有睇法喎!小愛點頭話:「靚仔嘅樣係天生嘅,唔通你叫佢整容變醜咩?人哋有本錢花心啲都好正常,就好似靚女唔介意畀多啲仔溝一樣之嘛。」

信心十足

話就係咁講,只係若然你個靚仔男友,經常背住你約會其他女仔嘅話,咁你又點睇先?小愛大笑道:「其實佢真係約女仔嘅話,又使乜背住我呢?我一定會畀佢去。因為咁係證明咗佢嘅魅力嘛!不過,我都係有底線嘅,就係唔可以同個女仔上床囉!萬一畀人影咗床照,再Send過嚟同我示威,呢啖氣你叫我點吞呀?如果男友真係好想同個女仔曳曳,我都唔會反對,只係我覺得佢一定唔會咁做囉!因為我好有自信,覺得就算個女仔有幾咁吸引,都好難好似我咁服侍得男友咁好,單係床技呢層就已經唔係我嗰皮啦!」有個咁開通又好床技嘅女友,又真係幾好喎!

小愛小檔案

年齡:22歲

身高:5呎4吋

三圍:34、24、34

撰文:魂

攝影:德