政府新班子局長網誌陸續推出，先係教育局局長吳克儉不斷借網誌為國民教育爭議解畫，尋日又到勞工及福利局局長張建宗（小肥張）推出新網誌。小肥張呢篇網誌就犀利喇，足足寫咗一千五百字，分享自己過去一個月嘅工作，除咗簡介局方最近公布同實施嘅政策措施，仲交代埋落區「走入群眾」嘅心路歷程，強調自己「把握每分每秒，積極務實地展開工作」，唔知情嘅仲以為佢報咗名參選立法會，喺網誌發表工作報告。
