中環出更：鄭慕智通爽唐裝迎夏日
對於衣着整齊嘅中環精英而言，面對炎炎夏日確係悶熱難耐，有「公職王」之稱嘅教育統籌委員會主席鄭慕智（Moses），近日就一改平日嘅西裝革履，換上一身輕逸嘅中式衣着，酷熱天氣警告之下都唔怕汗流浹背。其實卓妮喺周一都遇到Moses同太太喺中環ifc一間超市購物，當時佢仲係西裝骨骨，估唔到一踏入八月就即時換季。
唔使打呔甚涼快
卓妮大前日見Moses穿着白色企領恤衫配一件深藍色嘅中式外套，喺艷陽高照之下去香港會所食晏。Moses話，天時暑熱，改穿唐裝因為件衫嘅質料好柔軟，好通爽，十分適合盛夏時節，加上唔使打呔，頸項了無束縛，感覺特別涼快。佢話唐裝衫夠舒服之餘又不失莊重，除咗着住返自己律師樓外，就連出入有衣着嚴格要求嘅香港會所都冇問題喎。
卓妮