本報促成運動場設汽水機
「逢親星期六、日小食部都冇人做生意，想買罐汽水或者小食都唔得，真係好唔方便！」黃先生愛好運動，不時會跟兒子到馬鞍山運動場跑步，早前發現場內小食亭經常於假日關門，現場只設飲水機，認為康樂及文化事務署應該增設汽水機，為市民提供選擇。
小食店假日休息
康文署發言人承認，按照合約，小食業務承辦商需於星期六、日及公眾假期營業，惟運動場職員曾多次發現有關承辦商多次違規，故已發出口頭及書面警告。發言人強調，會繼續監察承辦商服務，如有需要，將採取進一步跟進行動。承辦商早前已在場內增設汽水售賣機，以方便運動場使用者。
「好彩同咗你哋《東方》反映，依家加咗部汽水機真係方便好多！」黃先生指經本報轉介後，運動場已增設汽水機，但指場內小食亭於假日仍然經常未有營業，要求康文署加強監察有關承辦商服務。