港鐵現「祈福黨」乘客不滿
接連有市民反映，近日乘搭港鐵期間被人於車廂內兜售「祈福手繩」，張先生日前由上環登車前往荃灣時亦「攔途兜售」，坦言不滿備受滋擾，「個女仔粒聲唔出，一手就將條手繩戴落我隻手度，跟住就畀張卡我睇，寫住聾啞人士籌款，每條卅蚊，要我畀錢先肯走開！」至於何先生日前於金鐘前往中環期間，亦有同樣遭遇，「嗰個人不停向啲男乘客埋手，真係好煩！」
港鐵發言人指出，根據《港鐵附例》，除非獲書面批准，否則任何人不得在鐵路範圍販賣，違者最高可被罰款港幣五千元及監禁六個月。發言人又稱，港鐵並未接獲乘客反映有關情況，但強調一直致力為乘客提供舒適旅程，不希望乘客被滋擾，職員會不時於車站及車廂巡邏。
「如果係有巡，咁點解會仲有呢啲情況？即係巡得唔夠密？」何先生不滿港鐵巡察未見成效，要求盡快提出具體改善方案，以免乘客再被騷擾。