政客反口覆舌，吾人見怪不怪，其中一個最佳的例子便是教協署理會長張文光，平時道德文章，雄辯滔滔，講就天下無敵，做就有心無力，面臨大是大非，最叻扮鵪鶉。
最近，德育及國民教育鬧得不可收拾，佢就火上加油，鼓動罷課。這個禍港政棍，無所不用其極，惟恐天下不亂，佢口中反功能組別，但就屆屆都參加功能組別，樂此不疲。
之不過，市民嘅眼睛係雪亮嘅，網上瘋傳佢○八年參選教育界立法會議席嘅政綱，其中一項就係「重視學生德育和國民教育」。網民質疑佢為了爭取九月舉行的立法會地區直選勝出，「轉軚」反對推行國民教育科。
為了選票，政棍反轉豬肚多的是，張文光正正是這樣的貨色。林語堂寫過一篇叫《如何寫「再啟」》的文章，分析書信的「再啟」妙用，其中一個例子說，有一個賦閒多年的文人，給友人寫信，說政府無能，時局混亂，自己一事無成，心灰意冷，信中滿是憂國憂民，感時傷世的憤懣痛恨之語，但全信寫完，後頭突然又加了幾筆「再啟」——「再啟者：頃接交通部老于來信，謂已替我謀得××部參事一席，月薪四百。天啊！我要到南京去了！」
張文光之流就是這種「再啟」之徒，收咗淫賤黎政治捐款嘅民主黨政客，在立會公審《爽報》誨淫誨盜，佢就裝聾扮啞。如此教育界兩頭蛇，老朽再說一次，張文光可以休矣！