港鐵上網設施頻壞
「唔單止keyboard（鍵盤）成日爛，啲掣直頭一粒粒咁飛出嚟，真係兒戲！」梁小姐因工作所需，經常會在港鐵站內借用電腦，發現自從各站「iCentre互聯網中心」設施早前升級後，無論軟件或硬件素質均大不如前，「之前都唔會咁易爛，有咩理由升級完會仲差？」梁指多個港鐵站的iCentre均有此情況，包括使用率高的中環及旺角站，向職員反映卻不獲受理。
聲稱日前曾更新
港鐵發言人表示，目前共有十四個車站設置iCentre，乘客可使用附設電腦連接互聯網，有關設施日前曾進行更新。發言人解釋，由於有關設施受乘客歡迎，鍵盤更因頻密使用或有損壞，車站職員已不時巡視車站，若發現有設施受損，會盡快安排維修或更換。
「如果係有巡，就唔會見唔到有爛啦！」梁小姐對港鐵的回覆大表不滿，要求加快維修損壞設施，為乘客提供舒適及多元化服務。