數碼電台勁蝕股東閂水喉

開台短短數月的數碼廣播有限公司，去年底從其他電台重金挖角多名星級主持人開咪，風頭一時無兩，但營運下來卻屢傳負面消息，有報道更指有股東考慮把電台清盤。數碼廣播昨召開董事會議，會後鄭經翰直認股東間出現分歧，尤其是注資方面，但由於部分股東李國寶、黃子欣及夏佳理等未有出席會議，現階段會盡快聯絡他們，進行斡旋，確保電台繼續營運，符合發牌條件。問及是否有股東「閂水喉」拒絕注資，鄭經翰堅稱注資符合營運方向：「當初同廣管局講咗係投放六億，個注資時間表無問題。

黃楚標轟鄭經翰燒銀紙

與曾蔭權關係密切、有「深圳首富」之稱的全國政協委員黃楚標，是數碼廣播大股東之一，持有兩成股份。他接受本報訪問時，對數碼台營運及鄭經翰本人均極為不滿，指該台最近兩月先後要求各股東集資近一億元，他斬釘截鐵表示，不會再向這盤「蝕錢生意」注資：「五月尾大班（鄭經翰花名）開咪時，已經叫我哋揼水五千萬，我哋心諗唔通唔支持咩，惟有夾錢。依家又要我哋夾多五千萬，再係咁燒落去，幾時先完呀？」

左起：鄭經翰、黃楚標及李國章在特首選舉前，一同出席數碼電台啟用禮，但選舉後即分道揚鑣。	貪曾欲租住的超豪「深圳禮賓府」，乃黃楚標名下物業。	李國寶曾經任曾蔭權及唐英年的競選辦主任。

黃楚標強調數碼台硬件設備已相當齊全，理應毋須再投入大量資金，「我都想知嗰幾千萬錢去咗邊？你幫我問問大班！」他最不滿將拒絕注資決定告之鄭經翰後，對方竟質疑他受政治壓力，「唔磅水就係政治打壓？我係一個商人，無錢賺仲要投資？」黃又透露，當初鄭經翰游說他們注資時，「講到好似商台咁賺錢」，豈料現時的運作模式根本難以產生盈利，「部收音機要擺喺窗邊至收到，又無廣告，邊有錢賺。」

數碼電台台長鄭經翰（右）因與貪曾關係密切，被戲稱「煲呔針」。

放大圖片

曾唐政治護航工具失效

政府晚上發表聲明，指商務及經濟發展局代表已與數碼廣播管理層會面，但股東間之分歧，政府不宜介入或評論。

城大專業進修學院學術統籌宋立功估計，由於曾蔭權於特首選舉「押重注落唐英年身上」，所以特邀鄭經翰為唐英年設立電台，以便新政府於大氣電波推銷政策，控制輿論，「既然係幫唐英年，自然好多唐營人士揼水注資」，但隨着曾蔭權捲入連串貪腐醜聞，唐英年又落選特首，這個為曾唐護航的政治工具已沒甚用途，眾股東拒絕注資，只是時間問題。