探射燈：「唔入會可能畀人打幾嘢，入咗會分分鐘畀人斬」
「只要有改變，就會有明天！」一些社會上的知名人士，年少時曾走過一段黑幫歲月，「以為大佬可以保護自己」，入會後有人試過搶劫、藏毒，一度陷入鐵窗生涯，最後頓悟始終「都係要靠自己」，奉勸青少年要迷途知返，腳踏實地，免他朝後悔莫及。
「以前都有誤信，跟咗個大佬幫過你，領咗個情，叫你打交你去唔去吖？」曾經滄海的香港得生青少年戒毒中心顧問陳慎芝，道出早在六五年加入黑社會後的經歷，走過約十年的歧途，「犯過事、坐過監」，終醒悟過來更活出豐盛人生，成為傑青。
作為過來人，他絕對明白「跟大佬」的心態：「好多細路覺得無安全感，好想搵大佬，擔心唔入會，會畀人打。」但事實上，大佬「小事就照到，大事就照唔到」，他更「教路」勸誡青少年如何向黑社會說不：「小心交友、遠離毒品，有咩事就報警，黑社會都係取易不取難。」而且「唔入會可能畀人打幾嘢，但入咗會就分分鐘畀人斬。」
身不由己 難以抽身
而曾在黑社會電影飾演黑人物的李兆基亦告誡青少年：「唔好參加黑社會」，他訴說電影中一些江湖故事情節，正好作反面教材，讓青少年知道，一旦加入黑幫就身不由己，隨時犯事坐監。他勸喻青少年應腳踏實地，勿輕信錯誤訊息而難以抽身。