沒有逼良為娼，只有自動獻身，時下少年入黑社會多出於自願。有外展社工分析，他們不少未能適應升中生活，又受同學欺凌，希望有大佬關照，部分更想搵快錢，日後毒品女友不缺。不過，社工眼中，蠱惑仔吸毒多打架多，新症舊患一大籮，「廿到尾就要退落嚟，因為嗰時又老又尿頻，唔打得，做阿頭都畀啲o靚笑。」下場大半很悲涼。
「會有同學仔走埋嚟收一蚊入會費。」信義會天朗中心主任劉宏章形容， 部分中學「臥虎藏龍」，同學收o靚當遊戲，有升中生誤信跟大佬才是生存之道。「佢哋入會後，多數到十六、十七歲，被打被出賣，先會諗呢行係咪撈得過。不過有啲博上位，成日出入監房，就會認命，打算一世喺呢行。自動上岸嘅百中無一。」他更說，即使當上小頭目，幾年後都是大佬變道友，「啲毒品日見夜見，點會唔食埋一份。」
二十多歲便體衰力弱，有的會想金盆洗手，有的卻是被迫退下來，只可懷緬昔日風光，劉說﹕「有啲過氣大佬未睇化，招攬啲小學生做o靚，叫班o靚買包煙之類威吓。」黑社會的歲月，只餘小學生為聽眾，噴噴口水花。