政情：蔣震夫婦力撐愛女參選
參選立法會並非容易決定，有家人嘅全力支持就無後顧之憂，好似處女下海參加九龍西直選嘅民建聯蔣麗芸（Ann）就係當中嘅幸運兒，佢除咗有另一半默默支持外，仲得到家人力撐，其中父母蔣震夫婦尋日仲親自為佢着上競選背心戰衣，認真物輕情義重。
蔣震除咗親自到場力撐愛女外，仲大讚阿Ann有愛心、有毅力、全心全意為香港，相信一旦入到立法會會協助制訂好嘅法律，當問及有冇信心囡囡當選時，蔣震就好堅定話︰「有信心，沒信心她（阿Ann）就不出來，我也不會支持她，對不對？」
已報名參加九龍西嘅名單仲有民主黨黃碧雲、公民黨毛孟靜、民協譚國僑及西九新動力梁美芬。