探射燈：黑幫收o靚易 專吼小學生

「黑幫走入天水圍、屯門、元朗收𡃁，貪嗰度多細路，又易氹。」自稱已加入黑社會的青年表示，暑假期間，不少學生無所事事，部分更是自願加入黑社會，成為生力軍。其中於天水圍天瑞邨、天耀邨便利店、元朗西菁街兒童遊樂場及屯門華都商場等，經常有少男少女集結，成為黑幫收𡃁的高危地。

「佢哋（黑幫）會去公園搵吓啲Kai子，講聲：『喂！跟我呀！』就係咁就入咗黑社會。」經常在天水圍流連的健仔說，黑幫會擺出「大佬格」，令小學生產生仰慕而自願入會，基本上不需利誘和威嚇，而小學生之所以受歡迎，因其「升值」潛力高。健仔進一步說，黑幫中人很有遠見，「養」小學生帶毒品：「佢哋依家唔打得，但係會大o架嘛，等佢哋升值，大咗就可以去劈友同帶毒品、做替死鬼。」

天水圍俊宏軒對出的位置，常有夜青聚集。

夜深人靜，不少青年不願歸家，三五成群，在屋邨聚集。

搞聯誼活動吸新血

「除咗仔，咁女收唔收？」「梗係收啦！」另一名疑是黑幫成員的阿山高聲回應記者提問，指少女加入黑社會就好少去劈友，主要都是陪伴角色，年紀一定要年輕，「陪玩，陪hea，傾吓偈咁，同埋啲男仔見有女陪，都覺得好呀！」

天水圍公屋林立，警員不時前往巡邏。

五名青年因疑偷竊被警員帶往警署調查。

當他們入會後，黑幫中人又會大搞聯誼活動，發揮新成員「friend搭friend」的力量，將幫會陣容如滾雪球，愈滾愈大。據了解，近日正值暑假，聯誼活動十分頻密，包括燒烤及唱K等年輕人時興活動，成功吸納不少無所事事的中、小學生，成為新血。

屯門良景邨曾發生青年被圍斬事件。	區議員周永勤表示，黑幫趁暑假不斷招攬新血入會。	放大圖片

除免費聯誼活動，加入黑社會後的「霸氣」，也令不少人慕名而去。身上刻有多條龍紋身的阿山坦言，加入黑幫後，經常「Call人晒馬」，好不威風：「試過有次，大佬吹雞話有人入嚟天水圍搞事，我幫手Call啲人去廣場聚集，當時應該過百人！」阿山說，因為威風，不少小學生會主動要求入會：「多數friend搭friend，啲細路見朋友跟大佬又威又有着數，就會搭人，或親自打畀大佬，講聲『我跟你』，咁就得o架喇！」

另外，黑幫亦會使用傳統方法，以威嚇及武力踢人入會。不時在元朗西菁街兒童遊樂場流連的歐同學和伍同學直言，曾遇過有人想踢他們入會，對方初以恐嚇言語威逼，他們不從，最後演變成武力解決；歐同學說：「我本來想報警，但都無用，最後變成打起上嚟，我哋最後都冇就範！」

埋堆文化愛跟大佬

元朗區議員李月民表示，自從暑假開始，青少年投訴被黑社會滋擾的個案急增一倍，手法都是先以利誘如包場請唱K等，他促請警方增強掃蕩，政府亦要對外展社工增撥資源。「年輕人有埋堆文化，鍾意跟大佬，除咗出街蝦蝦霸霸外，仲有啲會群埋一齊喺屋企吸毒，引發毒品問題！」元朗區議員周永勤亦稱，社團以新方法吸新血，就好似滾雪球般，愈滾愈大。

屯門區議員嚴天生亦稱，屯門區也愈來愈「雜」，尤其在書店、美甲店聚集的商場附近，不時見疑似黑社會成員徘徊：「好多疑似黑社會後生仔，態度惡劣咁拉人買書、整指甲，曾經向警方反映呢區嘅青少年問題，希望警方加強巡邏！」

圖／文：專案組