政情：劉健儀團隊違例上落貨
每逢立法會選舉，候選人嘅一舉一動都特別受到市民關注。有讀者向我哋投訴，星期日見到香港島參選人之一嘅自由黨劉健儀（Miriam）競選團隊，將貨車停喺駱克道同史釗域道交界交通燈位前上落貨，涉嫌違反交通規則。
Miriam就解釋話，可能係競選人員趕住落貨，先一時唔記得遵守交通規則。Miriam仲食住上話，當選後會即刻改善區內交通問題喎。另外，Miriam連樹木問題都好關注，佢尋日就去咗柴灣視察颱風後嘅冧樹情況，希望政府全盤檢視樹木嘅生長環境。
參選香港島嘅名單仲有民主黨單仲偕、新民黨葉劉淑儀、人民力量劉嘉鴻、民建聯鍾樹根、工聯會王國興、公民黨陳家洛、獨立勞永樂、吳榮春及許清安。