政府推行德育及國民教育科搞到滿城風雨，好多家長都擔心子女會被「洗腦」。教育局局長吳克儉繼日前同國民教育中心制訂嘅「中國模式」手冊劃清界線後，尋日又透過教育局網上專欄「局中人語」解畫，強調有關科目嘅評估係「不打分、不排名次」，唔會對學生派位及升學構成任何影響喎。
吳局長嘅口脗，十足政府宣傳「包攬訴訟」廣告片中嘅金句「不成功、不收費」，好似想氹班家長同小學生接受呢個科目咁，唔知大家有冇同感呢？
