動漫展周五開鑼 謝絕「限量」

【本報訊】一連五天的香港動漫電玩節周五開鑼,去年因排隊黨引起混亂,主辦單位今年禁止參展商在場內出售限量版產品,但動漫節行政總裁梁中本承認只禁止以限量版名義出售產品,若參展商改名「偷雞」售賣限量貨品則難以避免;有參展商批評有關限量產品定義模糊,故今年推出作網上預售的限量版款式大減,預計生意額或因此下跌一成半至兩成。

於會議展覽中心舉行的動漫節今年有一百七十個參展商共五百多個攤位,以往動漫節是排隊黨及炒家的兵家必爭之地,但今年因禁售限量品,令以往書展閉幕時過百人排隊的墟冚場面不復見,昨僅三人在場外輪候。

五天吸70萬人入場

梁中本稱,不擔心新措施令入場人數減少,預計今年可達七十萬人次,較去年略增,但承認新措施只禁止參展商以限量版名義出售產品,「如果要改名(出售),改一百個名都得,只要唔引起混亂就冇問題,希望參展商可以自律。」至於o靚模或知名人士在攤位舉行活動,需事先與主辦單位協調。

動漫精品商智傲集團總經理施玲玲批評新措施指引不清晰,「究竟賣幾多先算限量?到依家都冇確實數字,我哋唔敢公布貨品嘅供應量,客人亦失咗預算。」該公司今年僅設兩款限量產品,已於網上售罄,有客人稱或未必進場購物,施擔心今年銷量或下跌達兩成。

各大展商惟有各出奇謀吸客,如Xbox 360推出奧運版主機套裝及十多款亞洲首度亮相的遊戲供試玩,包括以本港為背景的臥底遊戲;智傲則於開幕日邀請o靚模扮演武俠遊戲人物撐場;玩具商「Hot Toys」將攤位打造成電影《蝙蝠俠》及《復仇者聯盟》的情景。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報