【本報訊】現年四十七歲的陳智思早於九八年進身立法會，之後再先後成為行政會議成員、當選港區人大代表及獲委多項重要公職，有「公職王」的稱號，甚至被指是北京銳意栽培的未來特首人選。
陳智思在專訪中指出，出任公職並非真正的培養政治人才之道，強調「我從來唔覺得我係被栽培嘅人」。陳智思又透露特首梁振英早於籌組行會之前，已邀請他加入問責團隊，但他最終以個人健康及家族生意為由婉拒，顯示他並不恨做官：「因為你做得呢個位，就差唔多六親都無得認！」
陳智思指出，回歸以來政府火頭處處，難有時間培訓政治人才，真正能培養政治人才的地方，就只能數到政務官制度，「所以我成日都話公務員團隊，你千祈唔好改變佢，直至你有一個培訓機制！」對於因獲委多項公職而被標籤為「受栽培」，他呼冤道：「我從來唔覺得我係被栽培嘅人，因為從來無畀過培訓我囉！」
陳智思形容自己所謂的「公職王」生涯，實為政府消災解難居多，恍如一齣「空降救火求生記」﹕「當然我就好好彩，我未死得去！」身兼可持續發展委員會主席的他更笑言：「呢啲一定唔係可持續發展啦，有事先空降落嚟，逐鋪過嘅！」
問及副局長及政治助理制度能否有效招攬及培養政治人才，他亦不感樂觀，強調招攬人才「唔係淨係有心就得」，而培訓亦應由低做起，「一嚟就做副局長，你咁high profile（高調）咪害死晒囉！」